Kimuak bat egingo du Wind Energy Hamburg 2020 topaketa digitalarekin, 2020ko abenduaren 1etik 4ra bitartean. Egun horietan, azoka % 100 digitalean egingo da Covid-19ren ondorioz, eta funtsezko topagune izango da sektore eolikoko enpresentzat.
Wind Energy 2020 bi urtean behin egiten den azoka da, eta sektore eoliko eta energetikoko nazioarteko adituen arteko hitzaldiak eta eztabaidak eragiten ditu. Aurten, edizio birtualak beren burua ezagutarazteko eta merkataritza-lotura berriak sortzeko aukera emango die fabrikatzaileei, hornitzaileei, ekintzaile gazteei eta sektoreko erraldoiei, agertoki birtual berriak ekarriko duen arrakastari esker.
Hain zuzen ere, aurten Windenergy Hamburg 2020ren gairik garrantzitsuenak estrategia eta proiektu arrakastatsuetarako irtenbideak dira. Hala, merkatu dinamikoak eta negozio-aukera berriak, “smart” energia, sektorearen etorkizuna edo nazioarteko wind-merkatuaren bilakaera, finantzei eta lankidetzari dagokienez, besteak beste.
Bestalde, ekitaldiaren alderdi nabarmenetako bat “Wind Europeren Premium Konferentzia” izango da. Maila goreneko online konferentzia honek haizearen potentzialarekin, parte-hartze komunitarioarekin, elektrizitate sistema, hidrogeno berriztagarriarekin edo hornidura-katearekin lotutako gaiak jorratuko ditu, besteak beste.
Wind Energy Hamburg 2020 eta Covid-19
Wind Energy 2020k egungo egoerara egokitu behar izan du, eta lehen aldiz online formatu digitalean egingo da. Ildo horretan, ekitaldiak teknologiarik aurreratuenak izango ditu, behar diren tresnen bidez, ekitaldia telematikoki egin ahal izateko.
Azken batean, Wind Energy oso berria den online ekitaldi baterako prestatzen ari da, sektoreko nazioarteko erakusle eta bisitariak harremanetan jartzeko, irtenbide eta ideia onenak aurkitzeko prest. Izan ere, Windenergy Hamburg 2020 definitzen duen kontzepturen bat badago, horixe da berrikuntza eta online parte hartuko duten profesional guztien espiritu aitzindaria.
